Mơguah lơ 22/5, ƀơi anom bruă kơnuk kơna, Khua dêh čar ơi Phạm Minh Chính git gai jơnum kơnuk kơna pơčrong sai sa hơnơ̆ng bruă pioh čih pơkra tơlơi phiăn amăng blan 5/2025, brơi pơgôp hiăp, pơsit hĭ dua hơdrôm hră tơlơi phiăn hăng 4 mơta hră rơkâo čih pơkra tơlơi phiăn. Ƀơi mông jơnum, ƀing khua mua pơ ala pơgôp hiăp nao kơ 2 mơta tơlơi phiăn phrâo čih anun lĕ: Tơlơi ngă tui kơđi tơlơi soh sat laih phat čih pơkra glăi, tơlơi phiăn brơi mă pơkong jăng jai, kom tơbiă hyu mơ̆ng plơi pla, anih dŏ hăng 4 tơlơi rơkâo čih pơkra tơlơi phiăn kah hăng: Tơlơi phiăn pơkrem, pơgăn phăk phai; tơlơi phiăn pơsit găl tơlơi phiăn čih pơkra glăi; tơlơi phiăn pơkă kơ anŏ hơdjă rơgoh mơnong ƀong huă čih pơkra glăi; tơlơi phiăn mrô mơnuih ƀôn sang.

Lu tơlơi pơgôp hiăp amăng mông jơnum, pơtum pơčrong sai kơ tơlơi pơkă pơyơr čơđeh asar amăng drơi jăn mơnă pioh mă pơjrao kơ mơnuih duăm ruă pơkŏn či kiăng; bruă glăm ba hăng tơlơi dưi mơ̆ng sang mơnă amăng bruă tŭ mă kông ngăn prăk kăk mơ̆ ƀing mơnă, sang anŏ ƀing mơnă rong či brơi glăi kơ sang mơnă pioh ngă tui kơđi laih phat, pơblih nao kơ anom bruă ngă tui kơđi mơnuih ƀôn sang duh hăng kông ngăn; pơdjơ̆ nao ƀing mơnă mơnuih dêh čar tač rơngiao; kơ bruă ngă tui kơđi laih phat mơ̆ng ƀing mơnă; hơdră ngă tui tơlơi phiăn pơkă dưi pơjrao duăm ruă, hưt hwing yang ngă, tơlơi glăm ba mơ̆ng anom bruă tơhan kông an ngă hrŏm kiăo tui mă hơduah ĕp mơnuih soh pơgô̆ brơi pơjrao duăm tơdah đuăi kơdŏp hăng jơlan hơdră pơđĭ tui prăk djru kơ khul mơnuih ngă bruă pơsit tơlơi găl amăng tơlơi phiăn hăng pơphun pơsit anŏ găl kơđi tơlơi phiăn.