Pơhiăp ƀơi mông jơnum, Khua dêh čar bơni kơ pran jua ngă bruă tơpă sit, ječ ameč, tŭ yua mơ̆ng hơdôm ding jum, anom bruă hăng hơdôm tơlơi pơgôp hiăp ƀơi ƀông Jơnum, pơdah pran jua gir prong biă, khut khăt pơkơdong glăi bruă mă akan IUU hăng gir pơklaih hĭ kak kơñĭ mơ̆ng EU amăng thun 2025.

Khua dêh čar kiăng khua ding jum, anom bruă, tơring čar gơgrong bruă phun, abih bang ƀơi anăp Kơnuk kơna, Khua dêh čar tơdah pioh hơmâo ƀat tô mă akan ngă soh ƀudah ngă kaih bruă “pơklaih kak kơñĭ” IUU. Tŏ tui lăi pơthâo glăi tui tơđar kơ bruă pơgăn mă akan IUU kơ Khul črâo bruă ngă tui tŭ yua, tơpă sit hơdôm Tơlơi pơtrun, Tơlơi pơtum glăi, Hră pơtrun ječ, tơlơi črâo trun mơ̆ng Ping gah, mơ̆ng Kơnuk kơna, Khua dêh čar, tơlơi pơkă ngă hrŏm hơdôm anom bruă kơ pơgăn mă akan IUU.