Tlam lơ 23/9, Khua dêh čar ơi Phạm Minh Chính git gai Jơnum tal 14 mơ̆ng Khul git gai bruă dêh čar pơgăn mă akan hơdang soh tơlơi phiăn (IUU). Tơdơi kơ giăm 8 thun pơphun ngă, lu hơdră ngă bruă tŭ yua laih samơ̆ Việt Nam ăt aka ƀu hơmâo Jơnum min kual Mi Kô̆ (EC) lui hĭ “Hră kŏm kơñĭ”. Phun ñu lĕ bruă wai lăng ƀat tô mă akan aka ƀu kjăp, anun yơh hơmâo bruă nao mă akan pơ ia rơsĭ čar arăng, biă ñu ƀơi hơdôm boh tơring ter hang ia rơsĭ.

Khua dêh čar lăi, tơlơi kiăng ngă ječ ƀơi anăp lĕ pơƀut pơklaih brơi “Hră kơñĭ”, pơgang ba tơlơi klă, hmư̆ hing mơ̆ng dêh čar hăng bong kjăp tơlơi dưi ngă. Ñu kiăng djŏp gưl ping gah, biă ñu lĕ ƀing khua, wai lăng kjăp hloh, pơplih mơ̆ng mă akan pơ ataih jing rông ƀơi anih dong, pơkra akan hơdang giăm hang ia rơsĭ dong đah mơ̆ng pơhlôm hơmâo prăk, rơnuk rơnua kơ mơnuih ƀôn sang hăng djru pơđĭ kyar bruă sĭ mơdrô akan hơdang pơlir hăng pơgang ia rơsĭ, bul pơtâo, pơđĭ tui tơlơi kơdrưh, hmư̆ hing mơ̆ng Việt Nam ƀơi jar kmar./.