Tlam lơ 19/10, ƀơi Cần Thơ, Khua dêh čar ơi Phạm Minh Chính git gai Jơnum kơ bruă pok pơhai čuk pơkra hơdôm ară jơlan rơdêh đuăi hmar ƀơi kual lŏn dăo ia krông Cửu Long. Ră anai amăng kual hơmâo 5 akŏ bruă čuk pơkra jơlan rơdêh đuăi hmar hăng glông rơbêh 200 km him lăng amra pơgiong amăng thun 2025, lêng pơhlôm djơ̆ hrơi blan, hơdôm tơlơi tơnap tap, gun găn lêng pơsir hĭ. Dua akŏ bruă čuk pơkra jơlan Cao Lãnh-Lộ Tẻ hăng Lộ Tẻ-Rạch Sỏi (giăm 80 km) amra pơgiong amăng blan 10 anai.

Djop ding jum, gơnong bruă, gong gai ƀon lan hơmâo gơgrong amăng mă yua čuah pơtâo, pơgiong bruă pơhrui lŏn mơnai, pơdong plơi pla phrâo. Khua dêh čar rơkâo mơng anai truh rơnuč thun kiăng gir run pơgiong, kah hăng ngă tañ ƀiă hơdôm akŏ bruă čuk pơkra jơlan rơdêh đuăi hmar ƀơi kual lŏn dăo ia krông Cửu Long, lăng anai lĕ “Tơlơi pơsur mơng hơtai boh” hăng tơlơi glăm ba hăng kual lŏn. Hơdôm akŏ bruă kiăng ngă tui djơ̆ tơlơi dưm dăp, pơhlôm brơi kơ klă, rơnuk rơnua brơi mơnuih mă bruă hăng wai pơgang jum dar, pơgôp pơđĭ kyar tañ, hơđong kjăp kual lŏn dăo ia krông Cửu Long.