Amăng mông pơbưp, ƀing čơđai sang hră hơmâo đing nao hơdră pơtô pơjuăt, boh thâo phrâo hăng tơlơi pơplih pơčeh phrâo mơng Singapore; tơlơi rô nao rai ngă hrŏm bơwih ƀong yua boh thâo phrâo-bơwih ƀong mơtah kơplah wah dua bơnah; hơdôm tơlơi găn rơgao, tơlơi pơhrăm glăi yôm phăn amăng bruă hrăm hră kiăng hơmâo tơlơi dưi mơng Khua dêh čar ơi Lý Hiển Long; hơdră bruă pơtrut ngă hrŏm kơplah wah hơdôm boh sang hră gưl prong mơng Singapore hăng Việt Nam, sit biă ñu amăng sa, dua mơta bruă kơsem min, pơplih pơčeh phrâo, boh thâo ia rơgơi; tơlơi čang rơmang mơng ƀing khua mua hăng rơnuk hlăk ai.

Ƀrô tal anai, ƀơi anăp Khua dêh čar ơi Phạm Minh Chính hăng ơi Lý Hiển Long, sang hră gưl prong dêh čar Hà Nội, sang hră gưl prong dêh čar Hồ Chí Minh hrŏm hăng sang hră gưl prong Boh thâo ia rơgơi Nanyang-Singapore hơmâo kĭ hră pơkôl ngă hrŏm kơplah wah hơdôm boh sang hră gưl prong amăng bruă mut hrŏm mơng ƀing nai pơtô, čơđai sang hră hăng kơsem min boh thâo ia rơgơi.