Ƀơi mông jơnum, Khua dêh čar ơi Phạm Minh Chính bơni khua mua djop ding jum, anom bruă, tơring čar, ƀôn prong pok pơhai hmar bruă ngă anăn “Bruă mă Quang Trung” laih anun lăi, pran jua mă bruă yua kơ mơnuih ƀôn sang; pơƀuh bruă mă anai hơmâo boh tŭ yua hiam klă, amăng anun 34.759 boh sang hơmâo ngă giong ming pơkra glăi, mơnuih ƀôn sang glăi dŏ amăng sang gơñu pô laih hăng mă bruă glăi tui tơđar.

Hăng hơdôm sang man phrâo, Khua dêh čar lăi hơmâo man giong 1.046 boh, dưi ngă djop rơbêh 65,5 % rơnoh jao, anai lĕ boh tơhnal prong biă mă mơ̆ng djop ding jum, anom bruă, tơring čar, ƀôn prong hơmâo ngă. Kơnong dŏ glăi 2 boh tơring čar Gia Lai hăng Dak Lak kiăng gir run hloh ngă giong truh lơ 15/1. Khua dêh čar lăi lĕ hơdôm sang ngă giong, khom hơmâo apui lơtrik, ia yua, hrĕ dăng kông, hơmâo gơnam yua djop bơwih brơi tơlơi mơak boh ƀiă kơ mơnuih ƀôn sang kiăng mơak pran jua.