Hăng tơlơi kiăng khăp, ƀu-eng, tơlơi thâo hluh, thâo pap, Khua dêh čar ta mơ-it kơ ƀing ơi ia jrao, mơnuih mă bruă amăng Sang bruă kơsem min drah - jôr drah dêh čar, amĭ ama ƀing čơđai, biă ñu abih bang ƀing čơđai tơlơi tơña bla, tơlơi bơni hơ-ơč hiam hloh amăng hrơi ngui Blan bơrơmi thun 2023. Bơni hơ-ơč kơ ană amon, ƀing čơđai hiam drơi jăn pran jua, hơdip yâo mơ-ak; čang rơmang ƀing ơi ia jrao lăng ba ƀing čơđai duam ruă kar hăng ană amon pô.

Hrơi blan pơ anăp, Khua dêh čar kiăng ƀing čơđai đăo kơnang, hơmâo pran jua pơjrao tơlơi ruă, gir găn rơgao tơnap tap, tơlơi truh sat, anăp nao tơlơi hơdip pơ anăp anai hiam hloh. Ƀing ơi ia jrao, sang anŏ hăng mơnuih tơpuôl amra nao hrŏm, thâo pap, pơgang ba, djru ba ƀing čơđai. Khua dêh čar čang rơmang abih bang čơđai pơ anai hăng  sang anŏ gơñu hơmâo pran ƀiă, kơnang kơ ƀing ơi ia jrao pơ anai dưi pơjrao suaih tơlơi ruă.