Jơnum anai bưp nao rai ƀơi anăp mơta, hrom hăng lăng nao rai mơ̆ng ataih hăng anih phun mơ̆ng Anom bruă kơnuk kơna pơtruh nao rai hăng 33 boh tơring čar, ƀôn prong hơmâo kơčăo bruă pơkra jơlan prong, yôm amăng dêh čar. Pơhiăp klah čun mông jơnum, Khua dêh čar ơi Phạm Minh Chính lăi pơtong, bruă pok pơhai ngă tui tŭ yua hơdôm kơčăo bruă anai djru ngă tui djơ̆ 3 bruă yôm tui boh yôm phun Jơnum ruah khua ping gah tal XIII pơtrun, amăng anun bruă pơkra jơlan glông.

Yua kơ anun, djop ding jum, anom bruă, tơring čar khom pơblih phrâo tơlơi pơmin, tŭ mă, pơsir tơlơi hơmâo, pơblih hơdră pơmin hăng mă bruă; hơdră pơpha bruă mă, puăi tlao nao rai lơ̆m mă bruă, lăi lĕ khom ngă, ƀuăn laih khom pơgiong hăng ba glăi tŭ yua. Ƀơi mông jơnum, Khua dêh čar pơgôp hiăp kơ rĭm ring bruă, kơčăo bruă phun dêh čar hăng jao bruă mă tum teč kơ djop ding jum, anom bruă, tơring čar.