Đĭ pơhiăp amăng mông jơnum, Khua dêh čar lăng yôm, pơpŭ hơdôm tơlơi dưi ngă prong mơng gơnong bruă pơtô pơjuăt amăng thun hrăm 2022-2023, lơm pơdah abih pran jua, gơgrong, gir run mơng gơnong bruă pơtô hrăm. Kơ jơlan gah, bruă jao akŏ phun pơ anăp, Khua dêh čar rơkâo djop ding jum, gơnong bruă, anom bruă, gong gai ƀon lan tŏ tui pel ĕp, pơplih pơkra, pơhrua hmao tlôn hơdră bruă, pơgiong črăn tơlơi phiăn kiăng ngă gêh gal amăng pơplih phrâo bruă pơtô hrăm, hrưn đĭ klă, tŭ yua amăng wai lăng bruă pơtô hrăm.

Sit biă ñu Khua dêh čar rơkâo, pơphun klă bruă lăng glăi 10 thun ngă tui tơlơi pơtrun mrô 29 mơng gơnong glông amăng pơplih djop mơta amăng pơtô hrăm; tŏ tui kơsem min, pơgiong, pơđĭ kyar jơlan hơdră pơtô hrăm phrâo thun 2018 lăp djơ̆ hăng hơnong pơkă, tơlơi rơkâo phrâo; pơjing, pơplih pơkra, pơhrua hơdôm hơdră djru brơi ƀing nai pơtô lăp djơ̆; kơtưn pôr pơhing, lăi pơthâo tơlơi črâo trun, hơdră bruă pơplih amăng pơtô hrăm, hơmâo tơlơi tŭ ư hrŏm mơng abih bang mơnuih.