Ƀơi mông jơnum, Khua dêh čar ơi Phạm Minh Chính hrŏm hăng khua mua djop ding jum anom bruă hơmâo dŏ lăng bruă jao Hră pơtrun tuh pơ alin, Hră pơsit rơkâo čih anăn tuh pơ alin, Hră čih pioh, pơkôl pơkă djop tơlơi pơtrun kơ bruă tuh pơ alin pơprong amăng tơring čar.

Kiăng dưi ngă djop tơhnal pơkă anai, Khua dêh čar rơkâo anom bruă ping gah, gong gai kơnuk kơna hăng mơnuih ƀôn sang tơring čar Bắc Ninh pok pơhai ngă 3 mơta bruă mă phun, 6 mơta bruă khom pơblih kơtang hơmâo pơtong rơđah amăng hră pơkă hnơ̆ng, biă mă ñu pơtum ĕp prăk tuh pơ alin amăng bruă tuh tia pơkra pơjing hăng bơwih bơwăng, đing nao pơđĭ kyar tuh tia pơkra ming gêh găl, pơblih hăng pơhưč bruă tuh pơ alin amăng khul bruă phrâo. Pơhưč tuh pơ alin lĕ, Khua dêh čar lăng yôm hăng bơni kơ djop anom bruă sĭ mơdrô, ƀing ngă bruă tuh pơ alin ruah tơring čar Bắc Ninh či tuh pơ alin, đăo kơnang nao amăng djop kơčăo bruă pok pơhai tŭ yua hloh.