Đĭ pơhiăp amăng mông jơnum, Khua dêh čar ơi Phạm Minh Chính lăi pơtong , bruă pơphun pơdă prưng tơlơi dưi bơwih ƀong huă-mơnuih mơnam ƀrô tal hơdor glăi 80 thun hrơi akŏ pơjing kơnuk kơna lĕ bruă prong, tơnap, ngă lar hyu tơlơi dưi 80 thun rơgao amăng lŏn ia tơl gơyut gơyâo jar kmar, mơnuih ƀôn sang, đĭ tui pran pơ-ư ang djuai ania yak nao rơnuk phrâo-rơnuk hrưn đĭ pô mơng djuai ania, pơđĭ kyar hiam klă, pơdrong asah, mơnuih ƀôn sang trơi pơđao, yâo mơ-ak.

Mơng lăi pơthâo, Khua dêh čar lăng yôm bruă prap lui tong ten, samơ̆ kiăng gir run ƀiă dong hăng pran jua gơgrong hloh, gir run prong ƀiă dong, ngă bruă khut khăt. Khua dêh čar pơtă kiăng pơƀuh tong ten lơm ngă tui 2 bruă jao yôm phun amăng wai pơgang hăng pơjing lŏn ia; pơtrut pơsur kiăng lŏn ia yak nao rơnuk phrâo; mơnuih ƀôn sang dưi tŭ mă hơdôm tơlơi dưi anai kiăng pơtrut pơsur pran jua khăp kơ lŏn ia.