Thun 2025 jing thun blung a Ding jum mă bruă tui gru phrâo tơdơi kơ pơmut hrŏm, bruă kiăng ngă lu biă, anih wai lăng prong tui mơn, hơmâo ngă amăng lu bruă prong hloh, tơnap hloh. Ding jum man pơdong pơƀut git gai ngă bruă yom phun, hơmâo lu boh than tŭ yua, amăng anun ngă giong bruă brơi rơdêh nao rai ƀơi jơlan rơdêh đuăi hmar Kơdư - Dơnung mơ̆ng Cao Bằng truh pơ Cà Mau, him lăng rơnuč thun 2025, hơmâo pơkra giong 3.345km jơlan phun.

Khua dêh čar bơni kơ tơlơi pơgôp prong amăng bruă man pơkra anih anom, jơlan glông, sang dŏ djru mơnuih tơnap, man pơdong sang hră pơ guai dêh čar, man pơdong plơi prong, man pơdong plơi pla phrâo, lŏm lui sang dŏ tơ̆i phô̆. Khua dêh čar lăi, thun 2026, bruă kiăng ngă prong biă, amăng anun rơnoh đĭ kyar hơmâo hơmâo 2 mrô, yua anun Anom bruă Man pơdong khŏm gir đĭ kyar 2 mrô. Kơ bruă pơkra jơlan rơdêh treng đuăi hmar Kơdư - Dơnung, Khua dêh čar kiăng: amăng blan12 anai lăng glăi abih djŏp mơta tơlơi gêh găl kiăng blan 1/2026 ruah hơdră tuh pơ alin, ruah măi mok; khut amăng blan 1/2026 khŏm ruah hơdră tuh pơ alin.