Ƀơi mông Jơnum, Khua dêh čar bơni tơlơi gir ngă bruă, hăng hơdôm bruă hơmâo ngă, pơsir hĭ tơlơi sat răm mơ̆ng boh ƀom, boh min amăng 15 thun rơgao; bơni kơ Kơnuk kơna hơdôm boh dêh čar, anom bruă khul grup jar kmar gum hrŏm hăng Việt Nam amăng bruă ming pơkra, pơsir hĭ tơlơi truh amăng thun blah wang, hyu toh, klơi đuăi boh ƀom boh min.

Khua dêh čar kiăng pơ anăp, ngă tañ ƀiă dong bruă pơsir tơlơi sat răm mơ̆ng boh ƀom min, kiăng truh pơ thun 2045, pơkra hơdjă abih bang kual lŏn hơƀak yua boh ƀom min ngă hăng anŏ dlăm 0,5m; kiăng Ding jum prăk kăk brơi prăk, pơƀut ming pơkra tơlơi sat răm mơ̆ng boh ƀom min. Pơtrut bruă sem lăng, mă yua boh thâo, măi mok rơgơi, nao hrŏm hăng boh thâo mrô; pơkra gơnam amăng lăm čar, anăp nao prăp rơmet mă pô măi mok hyu hrip, klơi mă boh ƀom min.