Khua dêh čar ơi Phạm Minh Chính brơi thâo, tơlơi bơwih ƀong huă lăng abih bang ăt hơđong, prăk trun nua dưi pơgăn, rơnoh pơđĭ kyar dưi pơtrut tui, pơkă hnong bơkơnar bruă prong dưi pơhlôm djơ̆ lăp.

Rơnoh pơđĭ kyar GDP amăng 3 blan tal III dưi hơmâo 5,33%, yap abih bang 9 blan lĕ dưi hơmâo 4,24%. Rơnoh blơi yuă gơnam (CPI) pơkă dưm dưm amăng 9 blan rơgao đĭ tui 3,16%. Anih sĭ mơdrô pơblih prăk kăk, pơhrui prăk mơ̆ng tač rơngioa hơđong, prăk kơmlai ăt trun. Bruă sĭ mơdrô hăng tač rơngiao đĭ tui amăng rim blan, 9 blan sĭ mơdrô hơmâo pơhrui glăi 22 klai USD.

Kơ bruă mă, hơdră pơsir hơdôm blan rơnuč thun 2023 lĕ, Khua dêh čar ơi Phạm Minh Chính lăi pơtong, ăt đing nao kơ bruă pơtrut pơđĭ kyar, kiăng hơđong bơwih ƀong huă, pel ĕp rơnoh prăk trun nua, pơhlôm hơđong rơnoh pơkă bơwih ƀong huă; pơtum ngă tui dơ̆ng lu hơdră kiăng pơtrut rơnoh pơđĭ kyar tuh pơ alin, blơi yua, sĭ mơdrô hăng tač rơngiao, hneč mă anŏ gêh găl anih sĭ mơdrô amăng dêh čar, jar kmar ƀrô amăng bơyan čơkă thun phrâo hăng ngă yang thun phrâo djuai ania.