Klah čun amăng môngmă bruă, Khua dêh čar, ơi Phạm Minh Chính lăng yôm, bơni kơ ƀôn prong Hồ Chí Minh amăng tơlơi tơnap tap lông lăng samơ̆ hơmâo pơhrui glăi boh tơhnal ngă bruă lăp bơni, pơđĭ kyar bơwih ƀong huă mơnuih mơnam, him lăng hơmâo 15/19 tơhnal pơtrun dưi ngă hăng lu hloh akŏ bruă pơkă. Kơ bruă mă pơ anăp anai, Khua dêh čar, pơtă pơtăn kơ ƀôn prong Hồ Chí Minh kiăng sem glăi, jŭ yap abih bang bruă mă pioh yak nao amăng thun 2023 hăng pran jua mă bruă phrâo. Blung hlâo lĕ, ƀôn prong khom pơtum nao kơ bruă mă, pơkă hnong; pơtrut mă yua prăk čan tuh pơ alin kơ bruă čar hăng 3 hơdră tơhnal pơtrun mơ̆ng dêh čar.

Amăng anun, ƀôn prong khom ngă hrom djop ding jum anom bruă pơsir giong mơtam hơdôm tơlơi dŏ gun, pơtrut ngă tui 5 kơčăo bruă phun kah hăng; kơčăo bruă pơkra jơlan rơdêh treng đuăi hmar amăng ƀôn prong, jơlan dar ƀôn prong 3; sang tuai tơguan ƀơi tơdron rơdêh por T3 amăng tơdron rơdêh por jar kmả Tân Sơn Nhất; jơlan rơdêh đuăi hmar ƀôn prong Hồ Chí Minh-Mộc Bài, Tây Ninh. Hrom hăng anun, ƀôn prong Hồ Chí Minh kiăng pơtrut pơhlôm pơgang klin Covid 19, boh nik ñu tlâ̆o vaccine pơgang klin pơhlôm duăm ruă.