Đĭ pơhiăp pơđut mông jơnum, khua dêh čar hơmâo lăi nao tơlơi dưi amăng tơring čar hăng lăi rơđah: Đồng Tháp lĕ tơring čar hơmâo lu tơlơi gal; čang rơmang tơring čar pơsit tong pran gơgrong, jing lĕ anih akŏ phun amăng ngă hmua hơđong kjăp, ba jơlan hlâo amăng đơ đam dêh čar amăng sa, dua mơta bruă gah ngă hmua hăng lu tơlơi dưi anun lĕ rông akan hơdang, pla phun kyâo boh troh, braih pơdai. Khua dêh čar lăi rơđah, pơ anăp anai, Đồng Tháp kiăng đing nao pơtrut kơtang tlâo tơlơi pơđĭ kyar (tuh pơ alin, blơi yua gơnam, sĭ mơdrô pơ tač rơngiao); sĭ mơdrô hơđong amăng lŏn ia hăng pơ tač rơngiao; khut khăt pơtrut  tañ jao prăk tuh pơ alin man pơdong; hmao tlôn pơsir hĭ tơnap tap, gun găn, pơtrut bơwih ƀong sĭ mơdrô.

Tơring čar kiăng tŏ tui pơtrut ngă hră pơ-ar, pơplih amăng tuh pơ alin bơwih ƀong sĭ mơdrô; đing nao pơđĭ kyar bruă pơkra pơjing, boh thâo phrâo, apui lơtrik pơplih phrâo. Pơđĭ kyar ngă hmua hơdjă, hơđong kjăp, mă yua boh thâo măi mok, pơjing anih anom pơlir hơbit gơnam yôm phun, hơmâo tơlơi dưi, djru pơlir hơbit bơwih ƀong-blơi pơhrui gơnam tui plang sĭ mơdrô điện tử. Pơđĭ kyar bơwih brơi tuai čuă ngui pơlir hăng gru grua yôm phara, lăp djơ̆ hăng tơlơi gal, hơdôm gơnam hiam hơdjă amăng kual.