Pơhiăp ƀơi anai, Khua dêh čar ơi Phạm Minh Chính pơsit amăng boh than hơmâo ngă hrŏm mơ̆ng lŏn ia hơmâo tơlơi gum pơgôp prong biă mơ̆ng ơi phơ̆t yă yơng lăi hrŏm, khul đăo phơ̆t Nam tông Khmer lăi hơjăn. Khua dêh čar pơsit, Ping gah, Kơnuk kơna lêng gir kiăng ană plơi hơmâo tơlơi hơdip trơi pơđao yâo mơ-ak, pơgang ba tơlơi dưi ană mơnuih, lăng ba tơlơi đăo, tơlơi ngă yang rơbang mơ̆ng mơnuih ƀôn sang; amăng anun lăng ba ơi phơ̆t yă yơng mơ̆ng Khul đăo Phơ̆t Nam Tông Khmer lăi hơjăn.

Pơ ala kơ khua mua Ping gah, Kơnuk kơna, Khua dêh čar bơni hơ-ơč kơ ƀing ơi phơ̆t yă yơng, mơnuih djuai ania Khmer ƀrô hrơi Ngui ngor Sen Dolta thun 2023 laih anun čang rơmang neh met wa Khmer bơwih ƀong đĭ kyar, yâo mơ-ak; Khua dêh čar kiăng Ping gah, gong gai, Jơnum min djŏp djuai ania mơnuih mơnam tơring čar Trà Vinh lăng ba klă hloh tơlơi hơdip mơda bơwih ƀong huă mơ̆ng neh met wa.