Qatar lĕ dêh čar rơnuč yơh amăng tal nao čuă 3 boh dêh čar kual Trung Đông mơ̆ng Khua dêh čar ơi Phạm Minh Chính hăng bơnai ñu laih anun grup khua mua kơnuk kơna Việt Nam. Anai lĕ tal nao čuă jơmư sit nik mơ̆ng ơi Phạm Minh Chính Khua dêh čar Việt Nam nao pơ dêh čar Qatar tơdơi kơ 15 thun, lơ̆m thun blan tơlơi ngă giăng mah pŭ ƀăn pơđĭ kyar hiam klă hăng hơmâo lu boh tơhnal tŭ yua sit nik. Tơ tă anai, dêh čar Qatar lĕ bơnah ngă hrŏm bơwih ƀong huă, tuh pơ alin hơmâo anŏ gêh găl prong biă mă hăng Việt Nam.

Hăng atur tơlơi ngă giăng mah hiam klă rơbêh 30 thun rơgao, tal nao čuă jơmư gưl kơnuk kơna pơ dêh čar Qatar anai mơ̆ng Khua dêh čar ơi Phạm Minh Chính lĕ djru hrŏm bruă ngă kơjăp tui tơlơi đăo kơnang kơđi čar plah wah dua bơnah dêh čar; pơjing rai pran kơtang, pok jơlan phrâo ngă hrŏm amăng tơlơi rô nao rai Việt Nam-Qatar; biă mă ñu amăng bruă pơhưč tuh pơ alin mơ̆ng Qatar mut rai pơ Việt Nam hăng pơjing pran kơtang pơkra ming gơnam sĭ mơdrô, bơwih bơwăng mơ̆ng Việt Nam dưi pơtruh nao pơ dêh čar Qatar hăng amăng kual.