Đĭ pơhiăp amăng mông jơnum, Khua dêh čar ơi Phạm Minh Chính brơi thâo phrâo hơmâo mông jơnum bơkơtuai hiam klă hăng Khua mir sir Brazil Luiz Inacio Lula da Silva, dua bơnah hơmâo tŭ ư hrŏm hrưn đĭ tơlơi rô nao rai dua bơnah jing bơnah ngă hrŏm yôm phăn. Khua dêh čar brơi thâo Việt Nam glăk prap pơhưč tuh pơ alin tui tơlơi kiăng amăng hơdôm akŏ bruă boh thâo phrâo, ba glăi pơhrui lu hloh, dưi lar hyu kơtang, pơlir hơbit hăng anom bơwih ƀong sĭ mơdrô amăng lŏn ia; đing nao hơdôm akŏ bruă amăng djop gơnong bruă, bruă boh thâo phrâo, pơplih pơčeh phrâo.

Khua dêh čar brơi thâo, dua bơnah kiăng pơtrut tañ bruă pơčrông tơlơi pơkôl sĭ mơdrô rơngai kơplah wah Việt Nam hăng khul sĭ mơdrô hrŏm kual dơnung Mi, tơlơi pơkôl pơsur hăng pơgang ba tuh pơ alin, tơlơi pơkôl kơ hră pơ-ar mut nao rai hăng Brazil sem lăng kơ bruă tŭ yap tơlơi pơkă bơwih ƀong sĭ mơdrô mơng Việt Nam. Khua dêh čar rơkâo djop anom bơwih ƀong sĭ mơdrô dong yua kiăng ngă gêh gal tuh pơ alin pok phư, gêh gal, ngă tui djơ̆ tơlơi dưi.