Anai lĕ bruă ngă blung a amăng lu bruă mă lơ̆m Jơnum prong khua mua ASEAN  tal 40, 41 hăng jơnum khua mua pơprong pơkŏn pơdjơ̆ nao. Khua dêh čar ơi Phạm Minh Chính hrom hăng khua mua djop dêh čar ASEAN hok mơak bruă pơphun bưp nao rai bơkơtuai, pơđing hmư̆ ƀing khua mua pơ ala djop khul, grup phara djru pơgôp hiăp. Lu dêh čar ngă ding kơna lăi pơtong, tơlơi gum hrom mơ̆ng AIPA hăng kơnuk kơna djop dêh čar ASEAN hơdôm hơpluh thun rơgao djru hrom yôm biă mă amăng bruă akŏ pơdong khul ngă hrom ASEAN.

Djop dêh čar rơkâo đĭ lu hơdră kơtưn ngă hrom tŭ yua hloh kơplah wah djop plăng tơlơi pơhing akŏ pơjing bruă mă čih pơkra tơlơi phiăn hăng ngă tui tơlơi phiăn, amăng anun gir run sem glăi, pơsir hĭ hơdôm tơlơi gun, kiăng ngă bơkơnar amăng tơlơi phiăn, ngă gêh găl ngă tui djop tơlơi pơkôl, hơdră ngă hrom, boh nik ñu amăng bruă đing nao ră anai kah hăng pơblih mrô, pơblih mă yua apui lơtrik, bong glăi anŏ pơblih sat ayuh hyiăng.....Ƀing khua mua lăi pơtong, ƀing hlăk ai pơgôp prong biă mă amăng bruă pơtrut ngă hrom hăng bong glăi tơlơi lông lăng ƀơi amăng kual, djru pơkă hnong bruă ngă pơ anăp adih amăng Khul gum hrom ASEAN.