Amăng mông jơnum, Khua dêh čar ơi Phạm Minh Chính lăi nao jơlan gah pơprong kiăng pơtrut ngă hrŏm yôm phăn djop mơta kual ASEAN-Hàn Quốc pơ anăp anai, hơmâo tơlơi đing nao pơtrut pơlir hơbit bơwih ƀong huă, sĭ mơdrô, tuh pơ alin tui jơlan gah mơtah, rô nao rai hăng hơđong kjăp; pok pơphun bơkơtuai hrưn đĭ AKFTA, pok prong ngă hrŏm amăng djop mơta bruă phrâo anun lĕ bơwih ƀong mơtah, bơwih ƀong mrô, boh thâo ia rơgơi, sĭ mơdrô gơnam dua bơnah.

Khua dêh čar ơi Phạm Minh Chính pơsit tong, Việt Nam dong yua hơdôm tơlơi gir run mơng Kơnuk kơna Hàn Quốc kiăng tô glăi bơkơtuai hăng ngă hrŏm dua bơnah Triều, mut hrŏm kjăp amăng bruă anai kiăng pơjing tơlơi rơnuk rơnua, hơđong hăng pơdrông sah amăng bul pơtâo Triều Tiên, hăng dong yua bruă lui hĭ phao put ayuh amăng bul pơtâo Triều Tiên.