Khua dêh čar ơi Phạm Minh Chính nao jơnum Khua mua pơprong kual ASEAN-GCC hăng nao čuă dêh čar Saudi Arabia
Thứ năm, 08:19, 19/10/2023
VOV/Siu Đoan Pơblang
VOV/Siu Đoan Pơblang
VOV4.Jarai-Lơ 18/10, Khua dêh čar ơi Phạm Minh Chính ba jơlan hlâo khua mua pơprong mơng Việt Nam nao jơnum khua mua pơprong kual ASEAN-Khul ngă hrŏm kual Tong wing (GCC) hăng nao čuă dêh čar Saudi Arabia.
Jơnum khua mua ASEAN-GCC pơphun amăng hrơi mông rŏng lŏn tơnah hăng amăng kual tŏ tui hơmâo lu tơlơi lông, ngă glêh tơnap. Anai lĕ jơnum khua mua pơprong blung a kơplah wah kual ASEAN hăng GCC dong mơng hrơi dua bơnah akŏ pơjing tơlơi rô nao rai thun 1990, anai lĕ tơlơi yôm phăn, djơ̆ hăng tơlơi rơkâo mơng dua bơnah.
Tal hyu mă bruă anai mơng Khua dêh čar ơi Phạm Minh Chính yôm phăn biă mă, kiăng hrŏm hăng hơdôm boh dêh čar kual ASEAN pơdah pran gơgrong phrâo, rơngai, gum pơgôp, pơđĭ kyar, laih dong hơkrŭ tơlơi đăo gơnang, hrưn đĭ boh tŭ yua amăng ngă hrŏm kơplah wah Việt Nam hăng Saudi Arabia.
Viết bình luận