Đĭ pơhiăp amăng mông jơnum, Khua dêh čar ơi Phạm Minh Chính pơpŭ tơlơi gir un hăng boh than ba glăi mơng gơnong bruă sang bruă prăk hăng hơdôm anom bruă čan prăk; tơlơi gum hrŏm kjăp hăng djop ding jum, gơnong bruă, gong gai ƀôn lan; tơlơi gum hrŏm, dong yua, mut hrŏm mơng mơnuih ƀôn sang, anom bơwih ƀong sĭ mơdrô, pơgôp prong amăng pơplih yua boh thâo phrâo amăng dêh čar.

Kơ bruă jao, hơdră bruă phun pơ anăp, Khua dêh čar rơkâo khua mua sang bruă prăk Kơnuk kơna hăng djop anih anom čan prăk kiăng gir run prong hloh, khut khăt ƀiă dong amăng pok pơhai yua boh thâo phrâo amăng gơnong bruă sang bruă prăk, pơlir hăng pơplih yua boh thâo phrâo đơ đam dêh čar jai hơđong, tŭ yua. Khua dêh čar rơkâo gơnong bruă sang bruă prăk kiăo tui lăng, pok pơhai tŭ yua hơdôm bruă jao amăng hơdră pơplih yua boh thâo phrâo dêh čar, hơdră pơđĭ kyar gơnong bruă sang bruă prăk.