Amăng mông jơnum dua čô khua dêh čar hok mơ-ak lơ̆m ƀuh hơdôm tơlơi klă hiam amăng ngă hrŏm tuh pơ alin, sĭ mơdrô. Truh ră anai, rơnoh prăk tuh pơ alin pơ dêh čar Kur rơbêh 2 klai 930 klăk đôlar Mi. Dêh čar Kur lêng kơ tŏ tui dong tal 2 amăng 78 boh dêh čar hăng kual lŏn nao tuh pơ alin mơng anom bơwih ƀong sĭ mơdrô Việt Nam. Việt Nam ăt tŏ tui dong tal sa amăng kual ASEAN hăng dong amăng 5 boh dêh čar tuh pơ alin prong hloh pơ dêh čar Kur.

Đĭ pơhiăp amăng mông Jơnum khua dêh čar ơi Phạm Minh Chính lăng yôm bruă tuh pơ alin bơwih ƀong sĭ mơdrô pơ Kur glăk amăng hrơi blan pơplih klă yua kơ hơmâo tơlơi phiăn tuh pơ alin phrâo hăng tơlơi phiăn kual bơwih ƀong huă. Khua dêh čar ăt pơpŭ hăng rơkâo hơdôm anom bruă tuh pơ alin, anom bơwih ƀong sĭ mơdrô Việt Nam hăng Kur  đing nao hăng pơtrut tañ ngă tui hơdôm akŏ bruă tuh pơ alin, pơhlôm djơ̆ hrơi mông pơkă, klă hloh; ngă tui djơ̆ tơlơi phiăn mơng dua bơnah; laih dong gơgrong djru brơi mơnuih mơnam, hơmâo lu dong bruă mă hăng prăk pơhrui hơđong, wai pơgang ayuh hyiăng hăng ngă tui hơdră gum djru mơnuih, pơgôp pơđĭ kyar, pơdrông asah dua boh dêh čar.