Mơguah tom brơi (16/9), Khua dêh čar ơi Phạm Minh Chính ba jơlan hlâo khua mua mơng Việt Nam nao Jơnum sang čơ Khač-ASEAN (CAEXPO) hăng jơnum khua mua sĭ mơdrô-tuh pơ alin Khač - ASEAN (CABIS) tal 20 ƀơi plơi prong Nam Ninh, Quảng Tây, dêh čar Khač dong mơng lơ 16-17 blan 9 thun 2023 tui tơlơi jak iâu mơng Kơnuk kơna dêh čar Khač.

Anai lĕ bruă mă yôm phăn dong amăng hơdôm bruă mă anăp nao tal hơdor glăi 20 thun akŏ pơjing tơlơi rô nao rai ngă hrŏm yôm phăn kơplah wah Khač -ASEAN, tal hơdor glăi 20 thun CAEXPO hăng CABIS. Jơnum sang čơ hơmâo 4 bruă mă phun hăng 1 mông jơnum bơkơtuai gah rơngiao. Kar hăng hơdôm tal jơnum sang čơ hlâo anun, thun anai, hơdôm anom bơwih ƀong sĭ mơdrô mơng Việt Nam nao Jơnum sang čơ prong hloh kual ASEAN (hăng 250 anih pơdă prưng, đơ đam 5.000 met karê).