Jơnum WEF Đại Liên thun 2024 hơmâo 1.600 čô khua mua nao jơnum hrŏm. Khua dêh čar ơi Phạm Minh Chính lĕ sa amăng ƀing khua mua Kơnuk kơna hơmâo WEF hăng dêh čar Khač jak iâu nao Jơnum amăng 2 thun mơtăm. Tơlơi anai brơi ƀuh WEF hăng Khač lăng yôm tơlơi gơgrong mơng Việt Nam amăng pơđĭ kyar bơwih ƀong huă amăng rŏng lŏn tơnah kah hăng tơlơi yak nao pơđĭ kyar mơng Việt Nam amăng tơlơi bơwih ƀong pơgi kơdih anai.
Amăng mông jơnum, Khua dêh čar him lăng amra hơmâo lu mông jơnum, mă bruă dua bơnah hăng djop bơnah. Sit biă ñu thun anai, tal blung a Khua dêh čar amra hơmâo tơlơi pơhiăp yôm phăn amăng mông pok pơphun jơnum abih bang hrŏm hăng Khua dêh čar Khač ơi Lý Cường hăng ƀing khua mua dêh čar pơkŏn dong. Laih dong, Khua dêh čar amra đĭ pơhiăp amăng jơnum bơkơtuai, git gai hơdôm tal jơnum bơkơtuai hăng anom bơwih ƀong sĭ mơdrô brơi kơ Việt Nam.
Viết bình luận