Đĭ pơhiăp amăng mông jơnum, Khua dêh čar ơi Phạm Minh Chính pơsit tong, pơplih yua boh thâo phrâo lĕ tơlơi kiăng hloh ră anai, glăk pơphun prong, dơlăm amăng tar rŏng lŏn tơnah. Lu hră pơ-ar hăng tơlơi pơtrun mơng Ping gah hơmâo lăi nao tơpă kơ bruă pơplih yua boh thâo phrâo, bơwih ƀong phrâo, tơlơi hơdip phrâo amăng hơdôm hơnong pơkă, hơdră pơđĭ kyar hăng pơplih yôm phăn; pơsit tong bruă pơplih yua boh thâo phrâo lĕ sa amăng hơdôm bruă akŏ phun.

Thun 2023 lĕ thun yua anih djă pioh phrâo dêh čar, hăng tơlơi pơmĭn anih djă pioh hră pơ-ar phrâo lĕ kông ngăn lŏn ia, jing anŏ pơđĭ kyar, ƀing ta kiăng tŭ mă, ngă tui tơlơi gal kiăng pok pơhai, djă pioh anŏ yôm mơng anih djă pioh phrâo jing anŏ pơtrut pơđĭ kyar bơwih ƀong huă-mơnuih mơnam. Khua dêh čar rơkâo, ding jum, gơnong bruă, ƀon lan kiăng đing nao pơgiong hơdră pơhlôm gơnam măi mok hăng mơnuih mă bruă kiăng pơtrut hơmâo anih djă pioh phrâo kiăng pơđĭ kyar hơđong kjăp.