Tlam lơ 19/9, tui mông ƀơi dêh čar Mi, ƀơi Anom bruă rơnuk rơnua Mi, Khua dêh čar ơi Phạm Minh Chính hăng ƀing khua mua mơng Việt Nam hơmâo nao ngă lơphet 78 thun akŏ pơjing kơnuk kơna lŏn ia Cộng hòa xã hội chủ nghĩa Việt Nam hăng hok mơ-ak tơlơi rô nao rai ngă hrŏm yôm phăn djop mơta Việt Nam-Mi yua Sang anih jưh pơ ala dêh čar Việt Nam ƀơi Washington DC pơphun. Đĭ pơhiăp amăng mông ngă lơphet, Ƀing khua mua dêh čar Mi hok mơ-ak čơkă Khua dêh čar ơi Phạm Minh Chính hăng ƀing khua mua pơprong Việt Nam nao dêh čar Mi hăng hơdôm bruă dua bơnah tŭ yua, sit nik.

Gah dêh čar Mi pơsit tong hơmao tơlơi tŭ ư mơng dua Ping gah Dân chủ hăng Cộng hoà amăng hơdôm plang gong gai hăng Ƀirô Khua pơ ala mơnuih ƀôn sang dêh čar lăng yôm tơlơi rô nao rai hăng Việt Nam, dong yua Việt Nam “kơtang, rơnuk rơnua, pơdrong asah hăng gơgrong mă pô”. Khua dêh čar ơi Phạm Minh Chính lăi pơthâo tam nao čuă hơmâo lu mông mă bruă, pơbưp nao rai hăng hơdôm boh ƀon lan hăng anom bơwih ƀong sĭ mơdrô Mi, sit biă ñu bơdjơ̆ nao boh thâo măi mok, čip bán dẫn. Khua dêh čar pơdah tơlơi hok mơ-ak ƀơi anăp tơlơi gir run mơng hơdôm anom bơwih ƀong sĭ mơdrô pơprong mơng Mi tŏ tui pok prong tuh pơ alin, ngă hrŏm hăng Việt Nam hăng tŭ ư dua bơnah kiăng pơtrut kơtang pok pơhai hluai tui tơlơi sit nik kiăng tañ pơjing tơlơi gal jing tơlơi dưi sit nik.