Akŏ bruă hơmâo abih tih prăk tuh pơ alin giăm 20 rơbâo klai prăk, glông giăm 5 km, akŏ tơkuh hăng jơlan Nghi Tàm, rơnuč tơkuh nao rai hăng jơlan Trường Sa. Đĭ pơhiăp amăng mông ngă lơphet, Khua dêh čar ơi Phạm Minh Chính pơsit tong, bruă pok akŏ bruă tuh pơ alin man pơkra tơdrông Tứ Liên amra pơgôp ngă plai ƀiă kơniă rơdêh đuăi nao rai amăng ƀôn prong, tơkuh mơng tong krah ƀôn prong Hà Nội hăng kual Kơdư, Ngŏ kơdư ia krông Hồng, tơring čar Thái Nguyên, tơkuh mut tong krah anih jơnum ngui sang čơ pơdă prưng dêh čar hăng jơlan mơng tơdron rơdêh por Gia Bình mut nao tong krah Hà Nội, pơgôp pơđĭ kyar bơwih ƀong huă mơnuih mơnam amăng ƀôn prong Hà Nội hăng kual plơi prong jưh jom.

Khua dêh čar rơkâo djop gưl, gong gai Jơnum min mơnuih ƀôn sang ƀôn prong Hà Nội đing nao khut khăt tơlơi git gai anom bruă tuh pơ alin, črâo ba, krăo lăng, anom bruă man pơdong hăng hơdôm anom bruă bơdjơ̆ nao ngă tui hơdôm tơlơi rơkâo kơ bruă man pơkra, tơlơi pơkă amăng tơlơi phiăn bơdjơ̆ nao, anăm rơkâo rơgao đơi, anăm brơi ƀuh hưp ƀong kông ngăn, ngă soh, yua khưi khai ngă rơngiă kông ngăn kơnuk kơna.