Amăng hơdôm mông Jơnum, ƀing khua mua ASEAN hăng bơnah gum hrom lăng glăi hăng ba tơbiă jơlan gah pơsit pơđĭ kyar tơlơi rô nao rai dua bơnah. Hơdôm bơnah pơtŏng sit lăng yôm tơlơi rô nao rai hăng ASEAN, tơlơi pơkôl gum hrom dong hăng ASEAN pơtrut bơkơtuai, gum hrom hăng bŏng glăi ba bôh tơhnal hăng hơdôm tơlơi lông, djru pơjing hơdră pơkă kual pok prong, gôm abih, pơdah rơđah lăng yôm tơlơi phiăn jar kơmar, hăng ASEAN pô phun.

Amăng mông Jơnum gưl dlông ASEAN – Khač tal 25, Khua dêh čar Khač lăi rơđah ASEAN lĕ tơlơi đing nao prong amăng hơdră bruă ƀing gŏp iao gah mơng pô, pơtŏng sit glăi pơpŭ bruă mă phun mơng ASEAN amăng hơdră pơkă kual, čang rơmang gum hrom hăng ASEAN pok pơhai ba glăi bôh tơhnal tơlơi rô nao rai Bơnah gum hrom abih bang phrâo pơjing, pơkôl djru dong ASEAN pơdŏng khul hăng ngă tui bruă mă amăng hơdôm mông bơkơtuai kual hăng jar kơmar. Pơđut mông Jơnum, Khua mua hơdôm bôh dêh čar kual ASEAN hăng Khač pel ĕp Tơlơi lăi pơtŏng hơdor glăi 20 thun Lăi pơtŏng pơsir kơđi tơlơi mơng hơdôm bơnah ƀơi Ia Rơsĭ Ngŏ (DOC) pơtŏng sit glăi bôh tŭ yua hăng tơhnal yôm  phăn mơng DOC pioh kơ tơlơi rơnuk rơnua, hơđong ƀơi Ia Rơsĭ Ngŏ, Tơlơi lăi pơtŏng hrom kơ kơtưn pơđĭ kyar hrom hăng kơjăp phik, Lăi pơtŏng hrom gah gum hrom hơđong braih piang...