Khua dêh čar ơi Phạm Minh Chính ngă bruă hăng Khua dêh čar Kur laih anun Khua dêh čar Lao
Thứ ba, 11:32, 28/10/2025
VOV/Siu H'Mai pơblang
VOV/Siu H'Mai pơblang
VOV.Jarai - Mơguah tom brơi (lơ 27/10), ƀơi plơi prong Kuala Lumpur, Malaysia, ƀrô tal nao pơhmư̆ mông Jơnum khua mua pơprong ASEAN tal 47 hăng hơdôm jơnum bơdjơ̆ nao, Khua dêh čar ơi Phạm Minh Chính hơmâo mông ngă bruă hăng Khua dêh čar Kur ơi Hun Manet wơ̆t hăng Khua dêh čar Lao ơi Sonexay Siphandone.
Ƀơi mông ngă bruă, klâo čô Khua dêh čar pơčrông sai kơ hơdôm bruă kiăng ngă hrŏm, hăng hơdôm bruă ƀơi jar kmar, amăng kual hơdôm bơnah lăp đing nao; lăi pơthâo klâo boh dêh čar leng kơ gir găn rơgao tơlơi lông lăng rơnuk rơnua, kơđi čar hăng đĭ kyar bơwih ƀong huă mơnuih mơnam yua tơlơi pơplih mơ̆ng rŏng lŏn tơnah hăng amăng kual ba glăi; tŭ yap tơlơi rô nao rai dua bơnah hăng kơplah wah klâo boh dêh čar thun blan rơgao, hơmâo tơlơi đĭ kyar sit nik.
Klâo čô Khua dêh čar tŭ ư pơčrông sai ĕp hơdră djru kơ hơdôm bruă ƀơi jar kmar, amăng kual; hơdôm bruă bơdjơ̆ nao tơlơi rô nao rai dua bơnah hăng klâo bơnah; ngă hrŏm prăp lui klă hơdôm mông jơnum prong ƀơi rim boh dêh čar hrơi blan pơ anăp./.
Viết bình luận