Lơ 1/3, amăng jơlan hơdră ngă bruă ƀơi hơdôm boh tơring kual Tong Krah, Khua dêh čar ơi Phạm Minh Chính nao pel ĕp bruă pơkra jơlan akŏ phun hơmâo jơlan rơdêh đuăi hmar Quảng Ngãi - Hòai Nhơn, črăn găn nao jơlan amăng lăm čư̆ Đức Phổ hăng jơlan mut amăng lăm čư̆ Bình Đê; jơlan rơdêh đuăi hmar Hoài Nhơn - Quy Nhơn hăng Jơlan plĕ rơdêh por mrô 2 hăng ring bruă ƀơi Tơdron rơdêh por Phù Cát, tơring čar Gia Lai.

Ƀơi anih pơkra jơlan plĕ trun rơdêh por mrô 2 hăng hơdôm ring bruă amăng Tơdron rơdêh por Phù Cát, tơring čar Gia Lai, Khua dêh čar bơni biă kơ pran jua ngă bruă gir kơtir mơ̆ng ƀing kĭ sư, kông ñơn, mah adai hơjan hlim pơ-iă hang ăt mă bruă, ƀong tañ, pit tañ. Nao lăng hăng hmư̆ lăi pơthâo glăi, Khua dêh čar kiăng hơdôm anom bruă bơdjơ̆ nao gir ngă tañ ƀiă 3 blan, pơhlom akŏ rơwang pơkă 3 blan tal 3 thun 2026 ba mă yua, lui hĭ blan 9/2026 tui hăng hrơi pơkă hlâo, laih dong kiăng pơ anăp ring bruă tŭ yua hloh lơ̆m ba mă yua; jao kơ tơring čar Gia Lai ngă pô wai lăng, mă yua Tơdron rơdêh por Phù Cát kiăo tui tơlơi pơkă “hlơi ngă klă hloh lĕ jao kơ pô anun”.