Ƀơi tơdron rơdêh por jar kmar Phú Quốc, Khua dêh čar lăi pơtong anai lĕ ring bruă akŏ phun dêh čar, rơkâo djop anih anom ngă djơ̆ thun blan, pơhlôm kjăp hloh, rơnuk rơnua hăng hiam. Hăng pran jua “anăm brơi rơngiă soh sel ha hrơi, anăm kaih ha wŏt hrơi tơjuh, anăm ngă rơngiă hĭ tơlơi gal ha blan”, Khua dêh čar rơkâo pơtrut tañ bruă man pơdong, pơtum pơƀut djop ngăn rơnoh hăng pran jua “đuăi rah dŏ dong tơpă glông rah”.

Ƀrô bơyan anai, Khua dêh čar nao ngă lơphet pok man pơdong 2 ring bruă kual plơi prong pơlir hrŏm Bãi Đất Đỏ hăng kual plơi pla pơlir hrŏm tuai čuă ngui đang glai Núi Ông Quán, him lăng pơhrua giăm 12.000 anih dŏ, sang yua bơwih bơwang hăng sang sĭ mơdrô, pơgôp pơhlôm djop tơlơi gal brơi anŏ dŏ klă hloh brơi Jơnum APEC 2027.