Grup khua mua mơng Việt Nam yua Khua dêh čar ơi Phạm Minh Chính ba jơlan hlâo hơmâo mut hrŏm, pơgôp tŭ yua amăng giăm 20 bruă mă djop bơnah amăng hơdôm hrơi jơnum, pơlăi nao rai lu jơlan gah yôm phăn kiăng pơjing kơñ pơgi mơng kual ASEAN. Tơlơi rô nao rai giang mah hăng ngă hrŏm sit nik kơplah wah Việt Nam hăng hơdôm bơnah ngă hrŏm ăt hơmâo pơtrut sit nik hluai tui rơbêh 20 mông pơbưp nao rai dua bơnah.

Hơdôm tơlơi pơgôp, tơlơi rơkâo hăng pơčeh phrâo mơng Việt Nam đing nao pơtrut pơjing kual ASEAN gum pơgôp, prong kơtang, djop mơta hăng hơđong kjăp, lăng ană mơnuih lĕ phun, pơlir hơbit pơđĭ kyar dêh čar hăng bruă pơđĭ kyar amăng kual. Mơng anun, Việt Nam tŏ tui pơdah tơlơi gơgrong ding kơna gir ngă bruă hăng glăm ba, pơgôp sit nik amăng hơkrŭ pran gum pơgôp amăng khul, hrưn đĭ tơlơi gơgrong phun mơng kual ASEAN, yua tơlơi rơnuk rơnua, hơđong, ngă hrŏm hăng pơđĭ kyar amăng kual.