VOV4.Jarai-Tlam lơ 28/11, ƀơi Anom bruă Kơnuk kơna, Khua dêh čar ơi Phạm Minh Chính pơhiăp telephôn bơkơtuai hăng Khua dêh čar Prang, Elisabeth Borne, kiăng pơčrông sai hơdră kơtưn ngă giăng mah rô nao rai yôm Việt Nam-Prang, biă mă ñu amăng bruă ngă hrom bơwih ƀong huă, sĭ mơdrô, tuh pơ alin, anăp nao hơdor glăi tal 50 thun hrơi akŏ pơjing bruă pơtom hiăp Việt Nam-Prang amăng thun 2023.

Laih pơhiăp telephôn, dua čô khua dêh čar lăi, bruă ngă hrom bơwih ƀong huă hơmâo tơlơi gơgrong yôm biă mă amăng bruă ngă giăng mah Việt Nam-Prang; kah pơpha hăng pơblih nao rai tơlơi thâo thăi čuk pơkra jơlan rơdêh treng đuăi hmar Nhổn nao pơ Ga Hà Nội, kiăng ba yua jơlan rơdêh đuăi hăng ngŏ bơwih brơi sĭ mơdrô amăng rơnuč thun anai. Khua dêh čar Prang Elisabeth Borne pơdah pran jua kiăng ngă hrom Việt Nam amăng bruă bơwih ƀong huă mrô, poblih ba yua mrô, pơkra jơlan glông hăng ba yua apui lơtrik rơgoh pơkra ming; tŭ ư pơtrut pok pơhai djop, tŭ yua kiăng hơneč mă anŏ gêh găl prong mơ̆ng Hră pơkôl sĭ mơdrô rơngai Việt Nam-EU (EVFTA).