Khua dêh čar ơi Phạm Minh Chính kiăng dua boh dêh čar pok prong, pơđĭ tui sang măi Việt Nam - Singapore (VSIP) tui rơnuk phrâo, pơmut hrŏm boh thâo ia rơgơi hăng bơwih bơwang, măi mok yom hăng plơi prong hiam agaih; gir hơmâo 30 VSIP amăng thun 2026.

Dua bơnah tŭ ư ngă hrŏm bruă ling tơhan pơgang lŏn ia - rơnuk rơnua, pơkơdong ƀing ngă soh bơdjơ̆ nao lu dêh čar, pơhlom anih mă bruă rơngai, hơđong či đĭ kyar; ngă hrŏm pơtô pơjuăt, hơmâo mơnuih mă bruă rơgơi, biă ñu lĕ ƀing khua; pok prong bruă djru prăk brơi čơđai sang hră Việt Nam hăng pơtrut bơbưp jơnum ngui mơnuih ƀôn sang. Khua dêh čar Singapore Lawrence Wong bơni hơ-ơč kơ tơlơi truh kih Jơnum ruah khua ping gah dêh čar Việt Nam tal 14, pơsit tơlơi đăo kơnang kơ tơlơi gêh găl amăng lăm, tơlơi gêh găl đĭ kyar mơ̆ng Việt Nam hăng ƀuăn pok prong bruă tuh pơ alin./.