Tlam lơ 21/10, Khua dêh čar ơi Phạm Minh Chính hơmâo mông pơhiăp telephôn hăng Khua dêh čar Thái Lan ơi Anutin Charnvirakal. Dua čô khua mua hok mơ-ak ƀơi anăp kơ bruă dua boh dêh čar hrưn đĭ tơlơi rô nao rai ngă hrŏm yôm phăn djop mơta amăng blan 5/2025; lăng yôm bruă ngă hrŏm Việt Nam-Thái Lan glăk pơđĭ kyar kơtang, ba glăi tŭ yua amăng djop mơta bruă.

Khua dêh čar pơsit tong Việt Nam amra tŏ tui ngă gêh gal brơi anom bơwih ƀong sĭ mơdrô Thái Lan tuh pơ alin, bơwih ƀong sĭ mơdrô truh kih ƀơi Việt Nam; laih dong čang rơmang dua bơnah pơtrut tơkuh nao rai jơlan glông, ngă hrŏm pơhlôm rơnuk rơnua, gru grua, pơtô pơjuăt hăng pơbưp nao rai mơnuih ƀôn sang. Khua dêh čar Thái Lan bơtŭ ư hrŏm, lăi pơtong nao tơlơi kiăng gum hrŏm kjăp kiăng tañ ba rơnoh sĭ mơdrô dua bơnah đĭ 25 klai đôlar Mi rĭm thun, laih dong čang rơmang hơmâo dong lu anom bơwih ƀong Việt Nam tuh pơ alin pơ dêh čar Thái Lan amăng hơdôm bruă tuh tia pơkra ming, ngă hmua hăng yua boh thâo ia rơgơi.