Tui hăng Khua dêh čar, boh thâo mrô, đĭ kyar Kơnuk kơna mrô, bơwih ƀong mrô, mơnuih mơnam mă yua boh thâo mrô jing pơtrut tui tơlơi đĭ kyar phrâo, ƀơ ƀrư̆ pơsit anŏ yom phun, jing gong tơmeh amăng bruă đĭ kyar kjăp. Khua dêh čar pơsit, mơ̆ng hrơi mut amăng ASEAN, Việt Nam leng pơsit ASEAN jing tơlơi ngă hlâo amăng bruă pơtom hiăp.

Rơngiao kơ hơdôm bruă hơmâo ngă tŭ yua, Khua dêh čar lăi ASEAN kiăng lăng tơpă sit hơdôm tơlơi lông lăng prong glăk hơmâo, biă ñu lĕ bơkơtưn hơdră ngă bruă jai hrơi kơtang amăng boh thâo ia rơgơi, hră pơ-ar tơlơi pơhing mrô, hăng plang mrô. Ƀơi anăp tơlơi anun, Khua dêh čar kiăng ASEAN pơtrut čih pơkra tơlơi pơkă mă yua lăng boh thâo phrâo, hơbô̆ bruă mơdrô phrâo đah mơ̆ng pok prong amăng abih bang kual; laih dong lăi dlăm kơ đĭ kyar tơlơi rơgơi ană mơnuih ta pơčeh mă khŏm kiăo tui hơnong pơkă tơlơi pơmin klă, mă ană mơnuih ta yơh phun ñu či bơwih brơi tơlơi rơngai, ngă hrŏm hăng đĭ kyar kjăp.