Khua dêh čar pơsit, Ping gah, Kơnuk kơna lêng kơ lăng ba, hơmâo lu tơlơi pơtrun hăng pok pơhai tŭ yua lu jơlan hơdră djru, hơmâo djru lu mơta kiăng akŏ pơdong hăng pơđĭ kyar gru grua boh thâo, pơgang gru grua djuai ania, pơđĭ kyar boh thâo gru grua hiam hăng lu bruă gru grua pơkŏn dong. Pơ ala kơ khua mua Ping gah hăng Kơnuk kơna, Khua dêh čar pơpŭ bơni kơ hơdôm tơlơi hơmâo gum pơgôp mơ̆ng ƀing ngă bruă gru grua; bơni hơ-ơč kơ 78 čô rơgơi mơbruă hrơi anai, laih anun pơpŭ bơni kơ hơdôm tơlơi gir run, boh than hơmâo ngă mơ̆ng Anom bruă gru grua hrơi blan rơgao.

Khua dêh čar čang rơmang hăng kơnang, ƀing pơ ala ba jơlan hlâo hrơi anai amra pơtrut tui pran jua ngă bruă mơ̆ng ƀing gơñu, pơtrut pran jua mơnuih pơkŏn, bang hyu kơtang, kiăng tơdơi anai Jơnum anai hơmâo lu tui mơnuih rơgơi, mă bruă triang, hơmâo lu hơdră ngă bruă, djru ngă giong djŏp bruă hơmâo jao gah gru grua lăi hơjăn, yua kơ bruă pơđĭ kyar gru grua lăi hrŏm.