Lăi pơthâo hăng Khua khul ASEAN BAC hơdôm boh dêh čar kơ anŏ răm rai yua kơthel mrô 3 hăng hơjan ia ling dăo amăng hơdôm hrơi rơgao ƀơi hơdôm boh tơring čar kual kơdư Việt Nam, Khua dêh čar ơi Phạm Minh Chính pơpŭ bơni Khua khul ASEAN BAC hơdôm boh dêh čar hơmâo tơña blan hăng djru brơi Việt Nam rŭ pơdong glăi anŏ răm rai.

Khua dêh čar pơpŭ tơlơi truh kih mơng jơnum ASEAN BAC tal 101 phrâo pơphun ƀơi Hà Nội hăng hơdôm tơlơi rơkâo amăng hră lăi pơthâo kơ jơlan hơdră mơng ASEAN BAC thun 2024; čang rơmang hơdôm tơlơi đing nao ngă mơ̆ Khul glăk pơphun amra pơgôp pơtrut kwotang bruă pơplih phrâo, pơgiong hơdră bruă, ngă gêh gal sĭ mơdrô hăng tuh pơ alin, pơplih yua boh thâo phrâo, pơđĭ kyar hơđong kjăp hăng djop mơta mơng kual ASEAN, sit biă ñu lĕ pơtrut pơđĭ kyar phrâo…Mơng anun djru brơi anom bơwih ƀong sĭ mơdrô pơsir hĭ tơnap tap hăng tŭ mă tơlơi gal kiăng pơđĭ kyar.