Khua dêh čar ơi Phạm Minh Chính bơni kơ khua ala čar dơnung Saxony tal blung a rai čuă jơmư Việt Nam hrŏm hăng grup khua mua sang bruă sĭ mơdrô lơ̆m bruă mă rô nao rai plah wah Việt Nam hăng Đức hlăk pơđĭ kyar hiam klă. Khua dêh čar ơi Phạm Minh Chính rơkâo dua bơnah pơtrut tui bruă mă ngă hrŏm kơđi čar, pơtom hiăp, sĭ mơdrô, tuh pơ alin, bong glăi hăng anŏ pơblih ayuh hyiăng lŏn tơnah, pơtô hrăm, bruă tuai čuă ngui, kiăng pơtrut giăm mơnuih ƀôn sang rô nao rai lu hloh, ba glăi boh tơhnal tŭ yua kơ dua bơnah dêh čar, kơtưn tơlơi jĕ giăm thâo hluh nao rai tơdruă hăng djru hrŏm kơ bruă pơgang tơlơi rơnuk rơnua, pơđĭ kyar amăng kual laih anun rŏng lŏn tơnah.

Kơnang kơ tơlơi ngă hrŏm anun, pok pơhư prong hăng đăo kơnang tơdruă, Khua dêh čar ơi Phạm Minh Chính rơkâo gong gai kơnuk kơna ala čar dơnung Saxony pơtrut pơsur ƀing ngă bruă sĭ mơdrô rai tuh pơ alin pơ Việt Nam amăng hơdôm bruă gêh găl hơmâo laih anun anŏ či kiăng mơ̆ng dua bơnah kah hăng boh thâo ia rơgơi, pơblih yua mrô, pơblih hơdră yua mơtah mơda, pơgăn anŏ pơblih ayuh hyiăng.