Ƀơi mông tŭ jum, Khua dêh čar ơi Phạm Minh Chính lăi, Việt Nam lăng yôm biă mă tơlơi rô nao rai hăng Bulgium, pơdah rai pran jua kiăng Khua anih jưh ăt pơgôp hrom klă hloh amăng hơdôm thun rai mă bruă pơ Việt Nam, pơđĭ tui giăng mah Việt Nam hăng Bulgium tong ten.

Khua dêh čar rơkâo dua bơnah ăt pơtrut ngă hrom, dong yua nao rai amăng mông jơnum lu bơnah hăng lu anom bruă jar kmar, boh nik ñu ƀơi Sang gum hơbit djop dêh čar, ASEM, khul djop dêh čar pơhiăp tơlơi Prang, ASEAN-EU…hăng ngă hrom pơphun jơnum tŭ yua  khua mua ASEAN-EU amăng blan 12 pơ anăp ƀơi dêh čar Bulgium. Kơ bruă hơmâo ƀơi ia rơsĭ Ngŏ, dua bơnah tŭ ư lăng yôm bruă pơgang tơlơi rơnuk rơnua, hơđong, rơngai rô nao rai pơgiăng gơnam tui jơlan ia rơsĭ hăng jơlan rơdêh por, pơsir kơđi tơlơi hăng rơnuk rơnua kơnang kơ tơlơi phiăn jar kmar, amăng anun Hră pơkôl mơ̆ng Sang gum hơbit djop dêh čar pơkă kơ Tơlơi phiăn ia rơsĭ thun 1982.