Khua dêh čar ơi Phạm Minh Chính tŭ jum Khua anih jưh pơ ala dêh čar Lao nao bưp lơm abih thun mă bruă
Thứ sáu, 09:51, 15/09/2023
VOV/Siu Đoan Pơblang
VOV/Siu Đoan Pơblang
VOV4.Jarai-Tlam lơ 14/9, ƀơi Ƀirô mă bruă, Khua dêh čar ơi Phạm Minh Chính tŭ jum Khua anih jưh pơ ala dêh čar Lao ƀơi Việt Nam Sengphet Houngboungnuang nao bưp hlâo kơ hrơi ñu abih thun mă bruă ƀơi Việt Nam.
Amăng mông bưp, Khua dêh čar ơi Phạm Minh Chính pơpŭ hơ-ơč kơ khua anih jưh Lao hơmâo pơgiong bruă jao ƀơi Việt Nam hăng hơmâo Ping gah, kơnuk kơna Việt Nam jao miđai mă bruă mrô I yua hơdôm tơlơi gum pơgôp yôm phăn amăng bruă hơkrŭ hăng pơtrut tơlơi rô nao rai giang mah, gum pơgôp yôm phăn hăng ngă hrŏm djop mơta kơplah wah Việt Nam-Lao.
Khua anih jưh dêh čar Lao pơsit tong, hăng pran jua jê̆ giăm, pơlir hơbit hăng lŏn ia laih dong ană mơnuih Việt Nam yua tơlơi dưi hrŏm mơng dua bơnah, dua djuai ania, ñu amra tŏ tui pơtrut pơsur tơlơi rô nao rai giang mah kơplah wah Việt Nam hăng Lao jai hrơi hiam klă hăng kjăp phik.
Viết bình luận