Khua dêh čar lăi, Việt Nam lăng dêh čar Mi jing bơnah ngă hrŏm yom biă mă; pơtong sit tơlơi pơhiăp git gai tong ten mơ̆ng Khua git gai ping gah ơi Tô Lâm hăng khua mua pơprong mơ̆ng Việt Nam lăng yom biă mă hăng pơpŭ  tơlơi ngă hrŏm dua bơnah laih anun čang rơmang hơdai gum hrŏm gong gai kơnuk kơna dêh čar Mi yua Khua mir sir ơi Donald Trump git gai, amra pơtrut dua bơnah ngă giăng mah kơjăp hlom bom. 

Khua dêh čar lăi pơtong, kiăng pơtrut bruă ngă hrŏm bơwih ƀong huă-sĭ mơdrô-tuh pơ alin jing tơlơi bơngač hăng pran jua kơtang pơtrut bruă ngă pŭ ƀăn dua bơnah. Kơnuk kơna Việt Nam ngă gêh găl na nao kơ djop sang bruă sĭ mơdrô, sang bruă tuh pơ alin mơ̆ng dêh čar Mi rai bơwih ƀong huă ƀơi Việt Nam, lăi pơsit Việt Nam čang rơmang akŏ pơjing bruă ngă hrŏm bơwih ƀong huă-sĭ mơdrô tuh pơ alin bơkơnar, hơđong, mơak klă laih anun hơđong kơjăp hăng dêh čar Mi, kiăng pơgang ba boh tŭ yua kơ dua bơnah dêh čar.