Amăng mông bưp, Kơ-iăng khua git gai pơ ala mơnuih ƀôn sang dêh čar yă Nguyễn Thị Thanh pơsit tong Việt Nam lêng kơ hruă kjăp pok pơhai jơlan gah pơtom hiăp rơngai, ngă pô, djop mơta, djop bơnah, jing gơyut gơyâo, bơnah đăo gơnang hăng ding kơna gir run, gơgrong ngă bruă amăng jar kmar; laih dong pơsit tong Việt Nam lêng kơ lăng dêh čar Mi lĕ bơnah ngă hrŏm yôm phăn hăng čang rơmang hrŏm hăng dêh čar Mi tŏ ngă tui hăng pok pơhai tơlơi rô nao rai ngă hrŏm djop mơta tui jơlan gah jai hrơi dơlăm, sit nik, tŭ yua.

Khua pơ ala mơnuih ƀôn sang gơnong glông Marsha Blackburn hăng  Peter Welch pơlăi nao rai tơlơi tŭ yap mơng Kơ-iăng Khua git gai pơ ala mơnuih ƀôn sang dêh čar kơ hơdôm tơlơi dưi ba glăi mơng dua bơnah amăng 30 thun rơgao, pơsit tong dêh čar Mi lăng yôm biă mă tơlơi rô nao rai hăng Việt Nam hăng bruă bơnah hrưn đĭ tơlơi rô nao rai jing bơnah ngă hrŏm yôm phăn djop mơta thun 2023 brơi ƀuh, Việt Nam jing bơnga ngă hrŏm prong hloh hăng dêh čar Mi amăng kual.