Bruă bơkơtuai ngă pơhưč tơlơi gum hrŏm mơ̆ng rơbêh kơ 1.000 čô mơnuih pơ ala lĕ ƀing khua git gai, ƀing juăt bruă măi mok yôm rai mơ̆ng lu grŭp bơwih ƀong prong mơ̆ng rŏng lŏn tơnah, hrŏm hăng lu anom bơwih ƀong rai mơ̆ng hơdôm bôh dêh čar Mi, Khač, Hàn Quốc, Japan, India, Prang, Đức, Hà Lan… hăng Việt Nam pioh bơkơtuai hơdôm jơlan gah pơsit pơđĭ kyar, tơhnal gal hăng tơlơi lông mơ̆ng gơnong bruă măi mok pơđoh apui hăng bôh thâo pơčeh phrâo (AI) đơ đam rŏng lŏn tơnah, ba tơbiă jơlan gah pơsit pơđĭ kyar hơdôm bruă hơdră mă yua măi mok anai kơ Việt Nam.

Hluai tui bruă bơkơtuai anai, Việt Nam anăp nao bruă phrâo ƀơi jar kơmar, pok tơbiă hơdôm tơhnal gal gum hrŏm bruă mă, pơjing phun akha kơjăp kơ bruă pơplih mrô, thâo hăng ngă pô măi mok, ngă tui tơhnal pơđĭ kyar tañ hăng kơjăp amăng rơwang pơ̆ anăp. Anai lĕ yak nao yôm phăn pioh hơdôm mơnuih kơsem min bôh thâo phrâo, bơnah gum hrŏm jar kơmar pơlir hơbit, gum hrŏm hăng hơdôm bơnah gum hrŏm Việt Nam pơjing rơnuk phrâo kơ bruă bơwih ƀong mrô mơ̆ng Việt Nam./.