Bah amăng guai djru tui tlôn Đăk Long (să Đăk Long, tơring glông Đăk Glei, tơring čar Kon Tum) – Văng Tắt (tơring čar Attapư) ră anai kơnong kơ pioh nao rai đôč, čuă nao rai sang anô̆, pơplih nao rai gơnam tam kơplah wah 2 tơring čar ha mơguai anun hơdư̆ amăng bruă pok prong tơlơi rô nao rai gum hrŏm kơplah wah hơdôm anih anom mơ̆ng Việt Nam hăng Lao.

Amăng mông bơkơtuai, ƀing khua mua tơring čar Kon Tum hăng tơring čar Attapư leng kơ lăi lĕ bruă pơđĭ bah amăng guai djru tui tlôn jing bah amăng guai phun Đăk Long – Văng Tắt lĕ kiăng biă, ngă gal brơi kơ bruă blơi sĭ mut tơbiă; pơsur pơđĭ kyar gum hrŏm tuh pơplai, sĭ mơdrô, bơwih ƀong blơi sĭ; lăp djơ̆ hăng jơlan gah pơđĭ kyar bơwih ƀong hrŏm mơ̆ng kual, pơjing glông jơlan bơwih ƀong kơplah wah hơdôm tơring čar Dơnung dêh čar Lao hăng hơdôm bôh tơring čar kual Tŏng Krah dêh čar, Dap Kơdư... Amăng mông bơkơtuai, khua tơring čar Kon Tum hăng Attapư hmâo bơkơtuai laih, pơlir hơbit kĭ pơkôl hră pơ-ar mă bruă kơ pơđĭ bah amăng guai djru tui tlôn Đăk Long – Văng Tắt jing bah amăng guai phun./.