VOV4.Jarai-Tlam lơ 7/10, ơi Phạm Minh Chính Khua dêh čar ta tŭ jum ơi Park Noh Wan, Khua anih jưh pơ ala Hàn Quốc ƀơi Việt Nam nao mă tơngan hlâo kơ glăi, abih thun mă bruă ƀơi Việt Nam. Khua dêh čar lăng yôm hăng bơni kơ Khua anih jưh pơ ala dêh čar Hàn Quốc hơmâo pơgôp prong pran jua amăng bruă pơtrut ngă hrom bơwih ƀong huă kơplah wah Việt Nam hăng Hàn Quốc, boh nik ñu djru ngă hrom kơplah wah Việt Nam hăng lu sang bruă sĭ mơdrô, tơring čar gah Hàn Quốc; gum hrom pơphun tŭ yua bruă bưp bơkơtuai nao rai kơplah wah khua dêh čar hăng ƀing khua mua anom bruă sĭ mơdrô Hàn Quốc kiăng pơsir hĭ tơlơi gun tơnap tap, djru ngă giong tơhnal pơtrun djop rơnoh prăk sĭ mơdrô dua bơnah truh 100 klai dolar Mi amăng thun 2023 hăng 150 klai dolar amăng thun 2030.

Khua dêh čar ơi Phạm Minh Chính tŭ jum Khua anih jưh pơ ala Hàn Quốc

Khua dêh čar ơi Phạm Minh Chính lăi pơtong, Việt Nam lăng kơ bruă ngă giăng mah dua bơnah Hàn Quốc hăng Việt Nam laih anun čang rơmang pơtrut ngă hrom kơtang hloh tơlơi giăng mah dua bơnah dêh čar.

Nay Jek: Pơblang