Ƀơi mông tŭ jum, Khua dêh čar lăi, tal rai čuă jơmư mơ̆ng ơi Prak Sokhonn yôm biă mă, djru hrŏm ngă kjăp tui hăng kơtưn hloh amăng bruă ngă giăng mah dua bơnah ping gah, dua bơnah dêh čar. Dua čô khua tŭ ư lĕ, Việt Nam hăng Kur dua boh dêh čar jĕ giăm ieo gah, hơmâo ngă hrŏm blah ayăt kiăng pơklaih rơngai djuai ania, pơlir dêh čar tŭ yua laih anun man pơdong hăng wai pơgang tong ten lŏn ia; tơlơi ngă giăng mah rô nao rai, gum pơgôp, ngă hrŏm, djru tơdruă dua bơnah ping gah, dua kơnuk kơna hăng mơnuih ƀôn sang hăng tơlơi tơpă, sa mơta bruă yôm, pơgang rơnuk rơnua, pơđĭ kyar kơ rim boh dêh čar.

Dua bơnah lăi pơtong, tơlơi rô nao rai dua bơnah hơmâo djru hrŏm prong prin pơgang bruă kơđi čar, pơhlôm guai lŏn ia, pơtrut bơwih ƀong huă mơnuih mơnam hăng pơtrut tui kơnuih hmư̆ hing amăng jar kmar mơ̆ng ping gah, lŏn ia, đăo kơnang nao rai ngă giăng mah pŭ ƀăn hiam klă, hlom bom, kjăp hơđong sui thun Việt Nam hăng Kur amra jai hrơi ngă kjăp tui hăng pơđĭ kyar kơtang, yua boh tŭ yua kơ mơnuih ƀôn sang dua bơnah.