Amăng mông tŭ jum, Khua dêh čar ta ơi Phạm Minh Chính lăi rơđah, Việt Nam amra gum hrŏm Khač pok pơhai ngă tui ba glăi bôh tơhnal tơlơi thâo hrŏm gưl dlông tui jơlan gah pơsit “6 hloh” hmâo Khua git gai Ping gah ơi Nguyễn Phú Trọng hăng Khua git gai Ping gah, Khua mir sir ơi Tập Cận Bình pơsit hăng hơdôm phun than lĕ pơtrut hơdôm tal čuă nao rai gưl dlông hăng hơdôm gưl;

kơtưn gum hrŏm kơplah wah hơdôm jơnum min, ding jum, gơnong bruă, tơring čar, ƀôn prong dua bôh dêh čar amăng anun ngă klă gum hrŏm kơplah wah dua Jơnum min djop djuai ania mơnuih mơnam dêh čar Việt Nam hăng Jơnum min djop djuai ania mơnuih mơnam dêh čar Khač; pơphun klă hloh dong hơdôm bruă bơkơtuai mơnuih ƀôn sang; kơtưn lăi pơthâo tơlơi găn rơgao bruă pơblang, pơdŏng Ping gah hăng wai lăng lŏn ia; ngă dơlăm gum hrŏm amăng lu bruă sit nik, biă ñu bơwih ƀong – sĭ mơdrô, tuh pơplai hăng tô nao rai jơlan glông./.